Қызыл алма

Туған ағасы Біржаннан қапыда айрылып қалған Рүстем енді әмеңгерлік салт бойынша жеңгесіне үйленеді. Бірақ ғашығын да ұмыта алмай, жаны қиналады. Дүниеден ерте өткен әкесінің шеберлік өнері Рүстемге дарыған. Оның жасаған сандықтары қолөнер туындысындай көркем, бірақ жанұяның ауқатты өмір сүруіне жете бермейді. Уақыт өте келе бұрынғы сүйіктісі кездестірген ол жүрегінің әмірімен жүріп, өмірін өзгерткісі келетінін түсінеді. Бірақ жақындарының жан күйзелісі, өмір өткелдерінің сан қилы сынақтарынан өтіп, ең соңында отбасын сақтап қала ала ма?